يعني ايه لغة ؟!

انطون ميلاد

في ناس كتير الفترة اللي فاتت اتكلمت على اننا بنتكلم مصري ومش عربي، وإن اللغة اللي بنتكلمها مش لهجة دارجة أو لغة عامية لكنها لغة مصرية جديدة، وفي ناس راحو أبعد من كده وقالوا إنها هي اللغة المصرية القديمة ومستمرة معانا لحد دلوقت.

عشان نعرف نحكم على الكلام دا صح ولا غلط لازم نبدأ الموضوع من الأول، يعني أيه لغة أصلا؟

اللغة هي أداة تواصل اخترعها الكائنات الحية من مملكة الحيوانات  عشان تتواصل بيها مع بعض وغالبا بتكون عن طريق الجهاز النطقي الللي هو الجهاز التنفسي مع المناخير والبوء.

ليه بنقول الكائنات الحية ومش بنقول البني ادمين، لان في ابحاث بتتكلم عن لغات خاصة بالحيوانات وليها لهجات برضه زي البني ادمين.

اللغة هي اختراع اصطلاحي لان البني ادمين ا خترعوا الكلام اللي بيتكلمو بيه، عشان كده هنلاقي كل شعب ليه مصطلحاته الخاصة بيه ودي عادة بتكون من خلال ثقافته الخاصة.

تعالو نبدأ من الصفر كلمة شباك مثلا مش هتلاقيها غير موجودة ف مصر –على حد معلوماتي- جت من ان الشبابيك ف مصر كانت بتتعمل بشغل الارابيسك وبتكون *على شكل شبك.

ندخل ف مرحلة معقدة شوية ونمسك التراكيب اللغوية فهنلاقي تعبير زي “هتروح ف طوكر” وطوكر دي بلد على الحدود المصرية السودانية وف فترة الخمسينات المناطق زي دي مفيهاش اي نوع من الخدمات وكان عبد الناصر بينقل اي حد “مغضوب عليه” لهناك كنوع من العقاب.

عشان كده لما بندرس اللغة بشكل اكاديمي لازم ندرس ثقافتها، عشان نفهمها بشكل أكبر.

المرة الجاية هنتكلم سوا عن الأسر اللغوية وازاي اتكونت اللغات .

الزميلة والرفيقة ناريمان الشاملي قالت  إن شباك جاي من الفرسي، مش من الفعل “شبك”. وأعتقد برضه إن مستخدم في بلاد تانية غير مصر، زي تونس مثل* .
انطون ميلاد حنا

antwn milad

انطون ميلاد حنا

كاتب وباحث ... صدر له كتاب اللغة المصرية الحديثة - دراسة وصفية

اقرا كمان ل انطون ميلاد حنا