ومسكته بيتفرج على سكس يا ام سماح

مشكلة التربية الجنسية، مشكلة ممكن نكون كلنا بنحبسها في نفسنا حتى كأشخاص المفروض اننا ناضجين، وبنعلم الحاجات دي لأطفالنا، المفروض احنا كجيل جديد نوقف مشكلة التابو التعليمي الجنسي، لو دا اتحل ممكن نقول ان مليون مشكلة بنعاني منها هتتحل، كل كلمة في الموضوع دا مهمه جدًا، لأنها –وببساطة شديدة- بتحدد فكر طفلك المستقبلي، هنقسم المقال لـ3 مواضيع، الأول وهو اني مسكت ابني بيتفرج على porn videos أو زي ما بنقول “ابني بيتفرج على سكس”، التاني هيكون عن التربية الجنسية المبكرة أوي، وازاي اتأكد اني ماشي صح، والتالت هيكون عن التعمق الأكبر في التربية الجنسية مع الوقت.

ابني بيتفرج على سكس؟
انت السبب
اولاً قبل ما تلوم طفلك او أي حاجه في عملية زي دي لازم تلوم نفسك، لأنك بنسبة 100% انت السبب ان هو لجأ للفرجة ع سكس، انت السبب انك مكلمتوهشي عن علاقاته المستقبلية، وسبته يتعلم أي حاجه لوحده، لو انت معلمتش ابنك السكس تدريجيًا في مراحل عمره المختلفة هيلجأ بنفسه انه يتعلمه، شوف بقا هيتعلمه منين، لأصدقاء الشوارع، لمواقع البورنو، او هيدور في موسوعات كويسة بيكتبها متخصصين وتديه إجابة كويسه، كل الاحتمالات دي مش كويسه، الإحتمال الأول والتاني دول أسوأ احتمالين، لأنهم 100% هيديلو مفاهيم غلط كلها عن السكس وهتسببله تعقيدات ومشاكل في حياته الجنسية، الحل التالت هو احسن من الأول والتاني بالنسبة له، بس مش بالنسبة ليك، كدا الطفل فهم حاجه أساسية في حياته بمصدر خارجي عنك تمامًا، دا هيقلل ثقته بيك اوي وقليل جدًا لما تلاقيه بيقولك على أي حاجه بعد كدا، هيعتبر ان كلامك معاه مجرد انك شخص عايش معاه، مش هينقاشك في أي مشاكل مستقبلية خاصةً لو جنسية، ولو عانى من مشاكل هيروح للمصدر الي اتعلم منه، ولو بقا المصدر الي اتعلم منه كان الشارع، فنقول يا ستار على الي هيحصله لأنه في الأغلب هيتبع حل خاطئ لمشكلته.

شوف الhistory بتاعه

لو انت لقيته كان بيتفرج على الكومبيوتر او الفون، خد منه الجهاز وشوف السيرش هيستوري بتاعه، في الأغلب لو هو طفل مش هيعرف يحذفه، فهيكون دا مساعد ليك، لما تشوفه هتعرف هو جاب الفيديوهات دي منين؟ ايه الي دخله عليها؟ ممكن يكون عادي مجرد كان اعلان على موقع زي إعلانات مواقع الأفلام وغيرها، وبرضو لو مش كدا، فدا هيساعدك انك تعرف هو شاف أيه لحد دلوقتي ومشفشي ايه، علشان تعرف المفاهيم المغلوطة الي جاتله كانت ايه وتصححهالو واحده واحدة.

متتفاجئشي

متتفاجئشي خالص لو لقيت ابنك عنده 10 سنين واتفرج على سكس، في إحصائية بتقول ان 90% من الأطفال الي عمرهم بين 8 إلى 18 سنه، على الأقل اتفرجو على سكس مرة واحده أو اتنين سواء بقا بالغلط او كانو قاصدين، فأحيانًا مش بتكون مشكلتك انت لوحدك.

متبالغشي ابداً في انفعالك

افتكر في كل لحظة انك بتتعامل مع طفل في الأول وفي الأخر، واي معاملة وحشة ليه زي ضرب او غيره ممكن تتسببله في مشاكل طول حياته، كل لحظة من طفولتنا بتكمل معانا لحد ما نموت تقريباً، فلازم تفتكر ان رد الفعل الي هتعمله هيلازم طفلك طول حياته فلازم تختاره كويس اوي.

اتكلم بصراحه

النقطة دي مهمه اوي لو هو مش عارف انك عرفت بالموضوع دا، دا هيكون مفيد ليك اوي وهيكون في صالحك لو انت مكنتش عطيله تربية جنسية قبل كدا، هتروحله وتناقشة عن الموضوع بشكل هادئ وتعترفلة ويعترفلك، دا هيساعدك اوي فأنه يكون منفتح عليك، هنا لازم تتعامل معاه بشكل كويس ومتكونش متعصب عليه ابداً لأنه هيحس انك عايز تساعده مش عايز تأذيه، فهيحاول يقولك كل الي يعرفه.

متضربوهشي

غير انك تضرب طفل وتعذبة دا شيء شنيع لوحده، بس لو قولنا ان دا شيء متقبل وعادي، انت مُتخيل انك حليت حاجه؟ انت حليت أي مشكلة لما فصلت عنه النت واخدت منه الكومبيوتر بتاعه؟ في أي شيء اتحل؟ اكيد لأ، بالعكس انت سببتله مشكلة نفسية في الاغلب هتستمر معاه وهتشجعه انه يكمل تدوير، فبدل ما كان ممكن يتعلم حاجات من النت هيدور على مصادر غيرها هتبوظ الدنيا عنده، وخليك فكار سؤاله وانت بتعاقبه، انت بتعاقبني ليه؟، اكيد الإجابة لأنك بتعمل شيء مخالف او غلط، بس ايه اللي خلى الشئ دا غلط بالنسبة لطفلك؟ دا اللي هيودينا للنقطة التانية

ليه البورنو مش حاجه حلوة للطفل؟

البورنو ممكن ميكونشي حلو في حالات كتيرة، خاصةً لما تبدأ انك تتفرج عليه من الطفولة، ممكن يسببلك ادمان ومشاكل كبيرة في علاقتك، لازم تذكر الحاجات دي كلها لطفلك وتجاوبوا على سؤاله، ليه البورنو حاجه غلط، إجابة انها غلط لمجرد كونها غلط دي متنفعش ابداً، فلازم نقوله شوية نقاط هنا، دي أهمها:
1. مش هتعرف تفرق بين نظرتك لحب شخص لأنه فعلاً حب، وبين نظرتك لحب شخص لأن جسمه حلو.
2. هتنتاب ليك نظرة مستقبلية للبنات اللي هتقابلهم وهتعاني من نظرات جنسية مستمرة ليهم.
3. هتبص لمراتك مستقبلياً نظرة حيوانية، لأنها مش هتأدي نفس الأداء اللي بيمثلوه في الأفلام واللي انت اتخيلت انه حقيقة.
هتلاقو في مصادر المقال مقالات كاملة بتفصل كل نقطة من دول، الموضوع مش تافه علشان متهتمش بيه بل لازم تقعد تتناقش فيه لفترة طويلة وتذكر فيه كل النقاط الممكنة، برضو خلي طفلك يقرأ المصدر رقم 6، موجود فيه 100 أثر جانبي بيحصل لما تتفرج على بورنو من الصغر.

الوقاية خير من الف علاج، دي حقيقة وهنحتاجها هنا دايماً لازم تبدأ التعليم الجنسي لطفلك من سن مبكر علشان ميقعش في مشاكل، غير ان دا هيساعده في حياته المستقبلية دايمًا، فدا برضو هيساعده فأنه يبصلك نظرة واثقة شوية، مش هيخاف يقولك على أي حاجه ودايماً هيعترفلك بكل حاجه ويكون واثق بيك، دي شوية خطوات هتساعدك كويس.

تعليم السكس المبكر

1. قوله على أعضاء جسمه
النقطة دي في بالغ الأهمية، قول لطفلك على كل حته في جسمه وظيفتها ايه وفهمه خصوصية كل مكان، وفي الأماكن الحساسه حاول تسميها بأسماء لطيفة شوية، انا شخصيًا شفت أطفال كتيرة مسمين الvagina كوكو، وأسماء تانية كتيرة ممكن تسميها، اهم حاجه انها متكونشي تقيله

عليهم ويقدروا يستخدموها عادي اوي، دا هيسهل عليهم انهم لما يعانو من أي مشكلة يقولولك عليها بشكل سريع وسلس.
2. أماكن خاصة
فهمهم ان في اماكن خاصة بيهم هما بس ومينفعش حد تاني يشوفها، فهمهم ان بابا وماما بس هما اللي ممكن يشفوك كطفل عادي، لكن الناس برا لازم يشوفو لبسك بس، وفهمهم برضوا ان الدكتور عادي انه يشوفهم بدون ملابسهم لأن بابا وماما هيكونو معاهم في الفحص اللي بيعملوه.

3. كل واحد ليه حدود في جسمه
فهم طفلك انه مينفعش أي حد يلمس جسمه بسهوله، وان في أماكن مينفعش حد يلمسها ابداً، وبرضو اكد عليه انه ميخليش أي حد يطلب منه انه يلمسله حاجه، الجزء التاني مهم اوي أنك تطلب منه انه محدش يطلب منه يلمس حاجه، لأن اغلب التحرشات الجنسية اللي بتحصل للأطفال بتكون عن طريق ان المتحرش بيطلب منه انه يلمسله حاجه.

4. استخدم كود
الحيلة دي واحد من اصحابي قالي عليها وهو معلمها لأطفاله، وهي عباره عن انه بيقول لأطفاله على كلمة سر معينه أو لفظ زي “هو الجو برد ولا ايه؟” أو أي جملة تانية، يعلمها لطفله انه يقولها لما يحس ان في مشكلة مثلاً لما يكون في ضيوف، او لما يكون نايم واوقات تانية كتيرة، دي هتعرفك ان في مشكلة ما بتحصل وهتساعدك انك تخرجه منها وتعرفها برضو.

5. فهمهم ان القواعد دي لازم يطبقوها على الناس الكبار وحتى على الأطفال اللي معاهم في المدرسة

فهمهم تاني ان القاعدة دي لازم تبقا على الكل، مهما كان مثلاً مدربك، او عمك، او شخص بتحبه جدًا، او شخص شايف انك بتثق فيه اوي، لازم تطبق القاعدة دي عليهم كلهم علشان، وفهمهم برضو ان في استثناءات ممكن تحصل، مثلاً لو رجله اتجرحت واحتاج المدرب انه يحطله مرهم أو ما شابه الحالات اللي زي دي.

تعليم السكس المتعمق

هتحتاج مع الوقت دايماً إجابة لكل سؤال هيطرحوا طفلك عليك، غير الأسئلة الوجودية اللطيفة، في نقطة اهم منها وهي الأسئلة الجنسية، احنا في مجتمعاتنا بنعاني من مشكلة دمرت حياتنا كلنا كأجيال جديدة، إلا قليل، وهي مشكلة “العيب” كلنا تقريبًا عانينا من المشكلة دي طول حياتنا بسبب الأجيال اللي فاتت، فكر في طفلك وانت بتربية على النهج الفاشل دا، فكر لما يخش أول مرة على موقع بورنو ويتصدم باللي هيشوفو، هيسأل نفسه هل دا فعلاً اللي بيعمله الكبار؟، هل الكبار منافقين ولابسين قناع أخلاقي، بعد ما كانو مفاهمينا ان البنت دي ميتافيزيقيا وفي عالم تاني خالص وعملوا بينا وبينها حاجز ضخم، مستحيل أكيد الفيديوهات دي غلط، مستحيل والدي يكون عديم الاخلاق بالدرجة دي، دي كلها تخيلات هتيجي وممكن أقول انها جات لأجيال كتيرة عدت، وهتلازم طفلك لفترة كبيرة مهمه من حياته، في الفترة اللي المفروض انه فيها يتعلم انه يثق بيك، هيتعلم انك منافق وبتلتبس قناع الاخلاق قادمة بس.

دا دليل بسيط هيساعدك في التعامل مع أسئلة طفلك كل ما يكبر في السن

من الولادة لسنتين

احنا كبشر كائنات جنسية في اصلنا وعندنا طبيعه حيوانية وجنسية من الطفولة، والعكس بين الطفولة والنمو العقلي ان احنا هيكون عندنا تحكم اكتر في الرغبات دي، في الطفولة ممكن ميكونشي كتير، في ناس كتار بيتفاجأو بأن اطفالهم الصغيرين بيظهرو فضول حول أجسادهم بستمرار، ودا بيبدأ من الرضاعه، زي مابتقول تارا اخصائية التربية الجنسية في بيل للصحة العامة في أونتاريو في كندا، فعلاً دا بنشوفة كتير، الرضع بيحاولو يلمسوا جميع اضعائهم في الshowering أو لما بيغيروا لبسهم، وفي الواقع ان احياناً بيحصلهم انتصاب منتظم، ودا شيء طبيعي، ومن الفروق التانية هنا انهم في الأغلب مش بيكون عندهم خصوصية جنسية، بل ممكن يعملوا دا في أي وقت واللي بيسبب احراج كبير بتقول مربية جنسية في تورونتو في كاندا، كارول ارمادال:”طفلتي اللي كان عندها 18 شهر، كانت بتداعب نفسها بشراسه وهي نايمة في الرعاية النهارية”

علشان نحل المشكلة دي لازم تعلمه دايماً ان احنا بنحافظ على لبسنا طلاما احنا خارج البيت أو مش قدام بابا وماما، ومش بنغير فيه اي حاجه او نخلعه وغيره، ردة فعل الأب والأم هتغير دايماً من نظرة ابنك لتصرفة وهيعرف ان دا شئ غير مسموح وفي نفس الوقت بتديلة رسالة كويسه، مثلاً بتعلمه ان الmasturbation شئ صحي وعادي، بس في نفس الوقت هو شئ خاص بينا ومينفعش نعمله قدام العوام بل من المفترض انه خاص بينا احنا بس.

من 3 لــ5 سنين
هنا هما في مرحلة مهما وهي مرحلة قبل المدرسة وفيها بيقابلوا ناس كتار، منهم من اقرانهم واللي في نفس سنهم، هنا مثلاً لما يبص على اجسام الناس التانيين، ولنقل مثلاً من اقرانه ولو حدث دا عن طريق الصدفة، ممكن يسأل نفسه سؤال “ليه عينك لونها مختلفه عن عيوني”، وحط مكان العين أي عضو تاني، ساعتها الطفل هيبدأ يشوف فروق بين القضيب المختون والغير مختون، ولازم هنا نديلة إجابة لو تعرض أي حد للسؤال دا، الإجابة هنا مش لازم تكون منطقية بل عادي استعمال أي إجابة مرضية وبشكل كافي اوي.
برضو في السن دا هيبدأ يسألوا سؤال مهم جداً، وهو منين بياجي الأطفال؟، السؤال دا مهم جداً في سنهم وغلط اوي ان احنا نتجاهله وبرضو متعمقشي في الإجابة بشكل كبير، كفايا أوي انك تقوله ان في بذرة من الاب وبذرة من الام بيجتمعوا الاتنين في بطن الام وبينموا لحد ما يعملو طفل في السن دا برضوا ابدأ علمه أسماء يستعملها في التعبير عن جسمه، واستعمل معاه الاسلايب اللي ذكرناها فوق.

من 6 لــ9 سنين

في السن دا الاطفال محتاجيين يعرفوا ساسيات البلوغ وايه اللي محتاجين يعرفوه قبل ما يبلغو، بتنصح هيكلنج ان البلوغ ممكن يحصل في اي وقت، واد بيبقا مخيف لما الاطفال ميعرفوض هو ايه بالظبط.
في السن دا ممكن الطفل يبدأ يسأل اسئلة غريبة زي “ايه هو البلوجوب؟” تأكد دايماً انه لو مسألشي كل مجموعة الأسئلة اللي قولنا عليها دي فهو مش شايفك محل ثقة، وتأكد انه بيسألها لناس غيرك وبيدولوه اجوبة تانية، علشان كدا لازم تتابعه أول بأول، بالنسبة لأجابة السؤال دا فلازم تكون بأبتسامه لطيفة متخليش الأسئلة دي توترك ابداً، اعتبرة انه سؤال عادي زي البيولوجي أو الفيزيا أو اي سؤال تاني، وممكن تجاوب عليه بصراحه وبشكل واضح زي: “البولوجوب بيحصل لما اتنين بيحبو بعض وعايزين يعبروا عن حبهم، بيحط أي طرف من الاتنين فمه على عضو الطرف الأخر”، لو انت مش متأكد من الاجابة او اتوترت، قولهم انك رايح اي مكان وهتجاوبه لما ترجع، وتكون جبت اجابة كويسه، بس اهم حاجه تتأكد انك بتجاوبة اجابة مرضية ومش بتبوظ مفاهيمه الحياتية.
بتنصح احدى أمهات دار تموث، انها تتناقش في السكس مع طفلها اللي عنده سبع سنين واكتر، لأنه ممكن يسأل بنفسه بعدين، وممكن تفضل انت مستني لحد ما يسأل هو، وتفضلوا كدا في انتظاركوا انتو الاتنين، لأن اغلب الاطفال بيفضلوا الصمت احياناً.

من 9 لـ12 سنه

السن دا ميفرقشي كتير عن اللي قبله، الا ان احنا فيه هنزود معلومات الطفل وهندعمها، هنتأكد انه اتعلم السكس الآمن، وطرق منع الحمل، والأمراض الجنسية، ولازم يفهم اساس العلاقات، واللي بيخلي العلاقات كويسه واللي ممكن يخليها مش كويسة، لازم برضو نفهمه الحياة  الجنسية اللي ممكن البروباجندا الاعلامية تصورهالو ونفهمه هل هي صح ام غلط وتمثيل.

من 12 لـ18 سنه

في السن دا بتبدأ حياتهم المراهقة، وفيها بيعانو من تغيرات كبيرة في حياتهم وهرموناتهم، وبيتعرضوا لضغط جنسي علشان يsex احياناً، وبيبدأ الضغط دا م

ن 14 لـ15 سنه.

احياناً هما ممكن ميعترفوش بدا لأنهم بيكونو برضو مستنيين الدعم والتوجية، بالرغم ان الموضوع بقى صعب اكتر، ولكن برضو حاول تكسر التابو اللي بينك وبينهم وافتكر برضو انهم لسا فاكرين كل شئ حيالك، هما مبقوش بشر تانيين وكبروا ونسوا كل شئ وهما صغيريين، دي نظرة غلط بنبصها لأطفالنا.
اتأكد في السن دا انه فاهم ان البروبجندا الجنسية اللي ممكن يشوفها مش حقيقيه، وبرضوا فهمه انه له الحق في انه يرفض اي تورط جنسي ممكن حد يعرضه عليه، لأننا محتاجين نعلم اطفالنا السكس مش في المشاعر والعلاقات بس، بل برضو في نقطة مهمه وهي الوقاية من الأمراض.

وتقبل بعد كدا انه هو الي بقا المسؤل عن علاقاته الجنسية فيما بعد، وبرضوا متنساش انه ممكن يرجعلك كأب في اي وقت بعد ما بنيت كل الثقة دي بينك وبينه.

قايمة المصادر
مصدر1
مصدر2
مصدر3
مصدر4
مصدر5
مصدر6
مصدر7

صالح محمد

cali\ mo\mmed

صالح محمد

طالب طب مبرمج وجرافيك ديزاينر وكاتب مهتم بالمعارف الانسانية

اقرا كمان ل صالح محمد