عن الجيم المصرية

مؤمن سلام

العرب لما بيحبوا ينطقوا الجيم زى ما هى من غير تعطيش بيكتبوها غين وساعات قاف وساعات كاف، قوم اييييه؟ المصريين اللي هما بينطقوا الجيم زى ما هى يقلدوهم فيخربوا الدنيا وينطقوا اسامي الدول غلط، وطبعا على رأس اللى عمل كدة الاعلام بتاعنا فكتب الغين بدل الجيم والشعب مشي وراه وباظت الدنيا وبقت

السنجال – السنغال
وجانا – غانا
يوجسلافيا – يوغسلافيا
أفجانستان – أفغانستان
وجارجارينا – غارغارينا
الإجريك – الإغريق

مش انا اللى مسميها الجيم المصرية ولا الجيم القاهرية، اعملوا سيرش وشوفوا مين اللى سماها. جدل اصلها يمني ولا مصري ولا حتى بوركينا فاسو ميهمنيش، انا واحد مش عايش في الماضي أنا عايش في الحاضر وبحلم بالمستقبل، ومش بعاني من عقدة الهزيمة الحضارية فبعوض ده انى بحاول اثبت أن كل حاجة في الوجود أصلها مصري أو عربي أو إسلامي أو بحر متوسطي أو أفريقي. أنا متصالح جدا مع فكرة اننا كشعوب ناطقة بالعربية أو ذات أغلبية مسلمة مهزومين ومأزومين حضاريا. وشايف ان ده اول الطريق للنهوض، أننا نعترف بهزيمتنا.

أنا مش بطالب بإلغاء اللغة العربية او بيعيب في العربية أو العرب، الفكرة اننا كمصريين بنتكلم بطريقة مختلفة وبننطق بطريقة مختلفة فلما أخدنا طرق العرب في التفريق بين الحروف المعربة من اللغات الأخرى عكينا الدنيا. يعني البوست نقد للمصريين مش للعرب ولا العربية.

مؤمن سلام

mo`omin cellem

مؤمن سلام

• بكالوريوس علوم سياسية - جامعة الاسكندرية • كاتب ومدير موقع حركة مصر المدنية • له كتابين على الانترنت "العلمانية ببساطة" و"الليبرالية ببساطة"

اقرا كمان ل مؤمن سلام