بديهي!!

من اكتر الكلمات اللي بتستفزني, كلمة “بديهي”! كلمة كدة تحسها فضفاضة رخوة, مهفاش اي إطار عقلي يحكمها … ومجرد الدعم الوحيد اللي بيحصل عليه اي فعل “بديهي” او قول “بديهي” ان عدد أكتر من الناس في بيئة مشتركه قرروا انه ده هو البديهي !! فبديهي البنت اللي ترجع متأخر تبقي بنت شمال أو بديهي الولد اللي راكب عرابية غالية يبقي فرفور و عيل طري .. حتي في قناعاتنا العقائديه, بيبقي بديهي جدا تؤمن باللي اغلب الناس مؤمنه بيه, باللي قال عليه المفكر الفلاني او الخبير المعين, باللي فسره الشيخ او القسيس , فيبقي فكرك او دينك هو “البديهي ” ..
و الحقيقة إن مفيش اي حاجة اسمها “بديهي”, فبمجرد وصلك لمجموعة من الافكار و حفظها في خانة البديهي, بيبقي إعلان ضمني لنفسك لتصنيف اي حد خارج المجموعة ديه بانه غلط او شاذ عن القاعدة, يبقى اختيارك لتحقير ورفض الغير بديهي من غير فحص او دراسة .. فـ”البديهي” هو السور اللي بتحوط بيه نفسك عشان تنفصل عن ثقافات جديدة او اراء مختلفة و انتا حاسس بامان و راحة في الجو المعتم الغير متغيير اللي انتا فيه ..
فاول خطوة لاي ثورة اجتماعية فكرية .. هي الثورة على البديهيات !!

كيرلس بهجت

kirolloc be\get

كيرلس بهجت

طبيب مهتم بالقراية والتدوين

اقرا كمان ل كيرلس بهجت