الوطنية آخر ملجأ للأوغاد

Patriotism is the last refuge of the scoundrel ‘
Samuel johnson
‘الوطنية هي آخر ملجأ للاوغاد ‘ صموئيل جونسون الكاتب الإنجليزي …..
المقولة بتحتكم لمغالطه منطقية و هي ‘الاحتكام الي عامه الناس’ أو appeal to people أن الواحد بيؤمن بفكره بما أن الفكره دي ناس كتير مؤمنه بها و هننتخب ده عشان كل الناس هتنتخبه و هنسمع البرنامج عشان ده أعلي نسبه مشاهدة …
المغالطة الاحتكام الي عامه الناس ممكن تيجي ف تلات الأشكال زي ذكرهم عادل مصطفي في كتاب المغالطات المنطقية :
-الأول bandwagon ‘عربة الفرقه’ و الاسم جاي من وقت الانتخبات المرشح يقف ع عربيه و معاه فرقه و شويه ناس و يلفوا ف الشوارع و بالهيصه دي يجمعوا أصوات و دول ممكن نقولهم ‘ البراميل الفارغة هي اللي بتعمل دوشة

-الشكل التاني snob appeal النخبه و جمالها يعني نطلع نقول الرجل العظيم فلان قال كذا و زمان سقراط قال كذا و رئيس أكبر حزب ف البلد بيدعم كلامنا و الناس دي ممكن نحييها لأنهم أذكياء و لأننا كما قال د. نصر حامد أبو زيد :
‘ثقافتنا تعبد النصوص يكفي أن تقول قال فلان … فيتوقف العقل’
-أما الشكل التالت ‘ flag waving ‘ التلويح بالعلم ‘
و ده اللي ابتديت به البوست ‘الوطنيه الزائفة ‘ و غالبا بنشوف ده في برامج كتير من توك شو من ما يطلق عليهم إعلاميين بعد لما يحاول مع الشخص اللي بيعارضه يقوله انت خاين و عميل انت كنت بتاكل كنتاكي في التحرير لكن احنا احنا مع الوطن مع مصر مع الرئيس مع الجيش….. الناس دي ممكن نقولهم حاجات كتير اوي بس اللي ممكن نكتبه حفاظا ع مشاعر القراء جمله :
‘الوطنية هي آخر ملجأ للاوغاد ‘
الجمله أعمق من كدا يعني فعلا فيه ملاجئ اخيره للبشر في آخر أي نقاش يتعلق بال’ الوطن أو الدين أو الأخلاق ‘
يعني تيجي بردو ف دين بعد النقاش اللي غالبا بيكون مش متمدن يجي حد يقولك
‘انت بتشكك في الدين ليه هو انت مش مؤمن انت أفكارك غريبه لكن انا متدين و الدين بيحمي دماغي و انا مؤمن و انت ربنا يهديك ‘ …….
أحب اقول ان ‘ الوطنيه و الدين و الأخلاق هم آخر ملاجئ الأوغاد….’
في النهايه فيه فرق بين الاعتقاد و البينة أو الدليل يعني أنك تعتقد بفكره ده مش دافع للشخص اللي بتناقشه انه يؤمن بها لكن البينة أو الدليل و الحجه اللي هتقولها بمصادر و عقل هي اللي ممكن تكون دافع لأشخاص انهم يؤمنوا بالفكرة ……
كفايه غرق في أي اعتقاد بدون بينه أو دليل لأن ده هيخلي نفسك قصير و خلقك ضيق ….. انت اللي بتيتم فكرتك و تحطها في ملاجئ .

كيرلس بهجت

kirolloc be\get

كيرلس بهجت

طبيب مهتم بالقراية والتدوين

اقرا كمان ل كيرلس بهجت