الحب الأهبل

عمرك أعجبـت بحد مــن بعيــد ولما قــرب منــك أو اتعاملت معـاه مــن قريـب حسيت إنــك مش على بعضك؟!

عمرك دخلــت في علاقــة عاطفية وحسيت إنــك فيــك حاجة مش طبيعيـة؟؟
بمعنــى أصح حســيت إنــك اتهبلــت فجــأة؟!!
انت آه ممكــن تكــون أهبــل مــن الأســاس.. بــس بقيــت أهبل زيادة؟! مــرة واحــدة كــده بقيــت تعمــل حاجــات عبيطـة وانت مــش عارف ليــه؟؟ حاجــات بعــد مــا ترجع بيتكو تفضـل تسأل نفســك، إيــه العبــط اللــي أنــا عملتــه ده؟؟ أو الهبل اللي أنــا قلتــه النهــارده؟!! إزاي ده حصـل؟!! فالمفأجاة إن فعلا في علاقــة بيــن الحب والهبــل… وإن كل ما مقدار هبلـك زاد، ده معنــاه إن انت كنت واقع أوي.

البروفيسور Zeki Semir بروفيسور علم الأعصاب neuroaesthetics في جامعة لنــدن بيقولـك إن لمــا الأنسان بيشوف شخص ويحس ناحيتــه بالإنجذاب، في مناطق في المخ بيحصلها activation زي المسـئولة عــن المشاعر والتكاثـر.. ومناطق تانيــة بيحصلها deactivation زي أجزاء مــن الـfrontal cortex وديه المناطـق المسـئولة عن الوعي والذكاء في الإنسان، واللي لما تتعطــل شــوية الشخص بيبتدي يعمل تصرفات غيـر مسـئولة.. والســبب في ده إن المخ سـاعتها بيكــون عاوز ميشوفش أي شــكوك أو اتنقادات في الشخص اللي هـو معجب بيــه، يتعامل مــع الشخصية اللي هو معجب بيهــا كأنها شـخصية جامدة جدا ومفيهاش ولا عيـب، حتـى ولــو فيها هو مــش عــاوز يتنيــل يشوفها! ســبب تاني للـdeactivation ده، إن الإنسـان بيكــون مــش عــاوز يحس بحاجــات كتيــر في اللحظـة ديه غيـر إحساس الحب والإنجذاب ده، وأصله مــش عــاوز يتشــتت أو يفكــر كتيــر فيغلط، الإنسان فــي اللحظــة ديــه بيكـون عـاوز يتمتــع بالشعور الجميـل ده من غيـر أي تعقيـدات أو حسابات..

في قاعدة في علم الإقتصاد بتقـول، إن لما حاجة الإنسان تبقى شـديدة، رغبته في سـد الحاجة ديـه بتبقى مســتعده لقبول أي مصدر لسد الحاجة حتى ولــو مــش على الكفاءة المطلوبة، بمعنى إن لو واحد ماشي فـي الصحرا وشـاف بير في ميه مـش نضيفـة، حيوقـف ويشــرب منــه عشان عطشان جـدا، علــى عكس اللي نــازل مــن بيتهــم وعطـش مرة واحـدة كده، ده مــش حيشــرب مـن أي مصـدر ميه… طبعا مع فارق التشبيه، بس في المجتمعات البائسة اللي مفهاش اختلاط، أو فــي مراحــل المراهقــة اللي بيكــون فيها جوع للعواطف ديه، أي إشارة أو بــادرة لانجذاب بتتقابل بعـدم تركيز أو تحليل.. علطــول يتــم قبــول الدعــوة عشــان في حاجة شديدة للحب ده.. في حاجة شديدة لتجربة مثـل هــذا الشعور الممتع!!

علــى مسـتوى الهرمونات، في هرمون مهم اسمه السيروتونين serotonin بيقل في حالات الحب، لمــا الهرمـون ده بيقـل بيســبب التوتر والقلق اللي بيحس بيه الإنســان اللي بيحب، على النقيض الجهاز السمبساوي بيشــتغل ويطلــع هرمـون الأدرنالين adrenaline بتاع حالات المعارك والحروب اللي هـو بيطلع عشـان يخلي الإنسان يثبــت علــى بعضــه لمــا يقابل موقـف حرج، نبضات القلــب تزيـد ويبتـدي الإنسان يعرق ويتنفـس بسـرعة.. كل ده بيخلي الإنسان علــى المسـتوى الجسدي مــش مرتاح ويدفعــه إنــه يعمــل حركات عشــوائية أو ياخد قرارات مندفعــة غيــر محسـوبة، زي إنه يكمــل في الحـب حتى ولـو في عواقب أو مشاكل.. وأخيــرا وليس آخرا، مهمــا كتــرت النظريات اللي بتحاول تفســر ليــه الإنسان بيبقى عبيـط ساعة الوقـوع في الحب، في إجمــاع على حدوث حالة الهبل! فلمـا تدخل علاقـة عاطفيـة وأمك أو أبوك يقولوا لـك “مالك مـش على بعضك” أو “انت اتهبلــت كده مــن امتى”، رد عليهم علطول بــكل ثقــة “مــن سـاعة مــا وقعــت في الحـب، العلم بيقـول كده..”.. ونصحية، اختار اللي يستحق فعــال تبقــى أهبل وعبيـط عشان خاطـره.. عشان يعني، مش يـوم ما تبقى أهبل، تبقى أهبل على الفاضي، فوفـر هبلك.. للي يستحق هبلك..

كيرلس بهجت

kirolloc be\get

كيرلس بهجت

طبيب مهتم بالقراية والتدوين

اقرا كمان ل كيرلس بهجت