إزاي اتغيرت نظرة المجتمع للرقص الشرقي والفنون الاستعراضية

استضافت الفنانة اسعاد يونس في حلقة من برنامج صاحبة السعادة الفنانة روبي …
اتكلمت عن اول تجربة لها في الغناء وفيديو كليب انت عارف ليه …. وعن كمية الهجوم والتجريح والاهانة اللي اتعرضت ليهم بسببه … وانها كانت بتقدم كليب استعراضي نفذت فيه رؤية المخرج بدون ماتتخيل ان ده هايعرضها لموجة الهجوم البشعة دي ….

ردت عليها الفنانة اسعاد يونس ان الفن الاستعراضي والرقص وبدل الرقص كانت موجودة في افلام الابيض واسود وكلنا حبيناها من غير مانشوف فيها انها خروج عن اللياقة والادب وفجر وفجور وده دليل على تغيير ثقافة المجتمع …

…………..
زمان كانت الفنون حاجة جميلة كلنا بنحبها ونقدرها ومكناش بنقلل من قيمة اصحابها … لما فيروز الصغيرة لبست بدلة رقص وقلدت راقصات زمنها … كلنا ضحكنا وانبسطنا بيها ولغاية النهاردة بنشوفها مبهجة ….
تخيلوا لو بنت صغيرة طلعت دلوقت ببدلة رقص هاتكون ايه التعليقات ؟ ؟ ؟

الجميلة هند رستم اتعرفت في عصرها بملكة الاغراء … والناس كلها كانت بتحبها ومكنش حد بيذكرها باهانة لأنهم فاهمين انها بتأدي دور …بتمثل …

في الوقت اللي كانت الفنون دي مزدهرة وبدلة الرقص حاجة طبيعية في الافلام … لأنها بتتقدم على انها فن … مش تسليع للمرأة ولا ترخيص ليها …. عمر ماكان في تحرش ولا ابتذال ….

المجتمع تفكيره اتغيره بيدعي الاصولية … وبشوف كل حاجة عيب وحرام ….
فهل التغيير ده كان لصالحنا ؟ ؟ ؟

المقال ده اتنشر في علمانيات مصر في نوفمبر 2016

Dalia Elraies

delie el-rai-ic

داليا الريس

مهندسة ناشطة في مجال العلمانية وحقوق المرأة

اقرا كمان ل Dalia Elraies